Лидерот на Обединети за Македонија, Љубе Бошкоски, ќе му биде посебен советник за странски инвестиции на премиерот Зоран Заев. Според информации од Владата, само Бошкоски ги исполнувал условите во конкурсот – стекнати најмалку 240 кредити според ЕКТС, активно познавање на англискиот јазик и работно искуство од најмалку 5 години во струката.
Владата на крајот на минатиот месец објави оглас за вработување шестмина посебни советници во Кабинетот на премиерот, и тоа советник за транспорт и врски, за спроведување на Рамковниот договор, за мултикултурално општество, за транспарентност и отчетност, за млади и спорт и советник за странски инвестиции. Платата на советниците ќе се движи од 25.000 до 50.000 денари.
Спонзорирано:
