Престолонаследникот на Саудиска Арабија Мохамед бин Салман уште еднаш потврди дека не прашува за цена. Тој и неговата придружба резервирале цел хотел со пет ѕвезди „Four seasons“ во Лос Анџелес, каде ќе престојуваат три ноќи.
Собите во овој хотел чинат околу 625 долари за ноќ, а вкупно ги има 285. Претседателските апартмани можат да чинат и 10.000 долари за ноќевање.
Она што е најинтересно, самиот престолонаследник нема да престојува во хотелот, туку ќе биде во приватна резиденција, така што хотелот е за неговата придружба и истакнатите гости.
Ова е прво патување на принцот во Лос Анџелес, и тоа неколку месеци откако Саудиска Арабија потврди дека ќе ја укине 35-годишната забрана за кино.
Салман допатувал во Лос Анџелес како би разговарал со големите продукциски куќи. Принцот е заинтересиран за нови индустрии како забава, со цел земјата да не се потпира само на арапскиот главен извор на заработка – нафтата.
