По невремето кое што го зафати Охридско-Струшкиот регин, во овој момент состојбата е нормализирана, велат од ЦУК.
„Надлежните субјекти целосно ја следат состојбата, согласно насоките кои претходно беа договорени, и по престанување на невремето, пристапено е кон санирање на последиците и причинетата штета. Најпогодена беше крајбежната линија на потегот од населба Канео до централното градско подрачје во Охрид , а во Струга, во делот од машка и женска плажа“ сооптши ЦУК.
Од таму велат дека испуштањето на водите од Охридско езеро преку реката Црн Дрим е со постојана координација со ЕЛЕМ и покрај прелевањето на акумулацијата Глобочица по течението на Црн Дрим, нема опасности за причинување на штета на патот Струга-Дебар. Според информациите, нивото на реките на Сатеска и Коселска е со благ пораст во однос на претходните денови, но нема опасност од преливање.
До овој момент на 195 нема пријави за причинета штета ( поплави , пад на дрвја и сл.) соопшти ЦУК. Во однос на функционирање на останатата инфраструктура ( колектор, водоснабдување, електроснабдување), не се забележани прекини“ се вели во соопштението на ЦУК.
