Големото загадување е причината на првиот и вториот крак на Халкидики, Касандра и Ситонија, во летните месеци да се плаќа еколошка такса, која што дополнително ќе удри по џебот на македонците кои редовно ја газат Грција, по нејзините песочни плажи.
Откако завршија повеќенеделните консултации на градоначалниците на овие општини, градоначалникот на Халкидики, Христос Донтис одлучи на крстосницата кај местото Неа Мудања да се постават рампи каде туристите ќе плаќаат еколошки такси.
Рампата кај местото Неа Мудања е веќе поставена, а во следните неколку дена ќе бидат поставени и други, кои ќе се наоѓаат на останатите влезови на Ситонија.
Еколошките такси ќе се наплатуваат од први мај до први октомври, за возилата и патниците посебно.
-За мотори- 3 евра.
-За патнички автомобили- 5 евра
-За автобуси- 10 евра
-За камиони- 12 евра.
Освен тоа ќе се наплатува и еколошка такса по лице, која ќе изнесува едно евро, се вели во информацијата.
