Градоначалникот на либиската престолнина Триполи го киднапирале непознати лица, соопштија тамошните власти.
Абдул Рауф Бејт ал-Мал бил киднапиран синоќа од неговиот дом и одведен на непозната локација. Причините за киднапирањето засега не се познати.
Градското собрание соопштило дека во знак на протест нема да работи на неодредено време и ги повика властите да направат сè што е потребно за ослободување на градоначалникот.
Либиското Министерство за внатрешни работи соопштило дека потрагата е во тек, без да наведе детали.
Спонзорирано: