(МИА) – Турскиот премиер Бинали Јилдирим порача дека Турција може да ја „неутрализира секоја закана“, пишува „Екатимерини“.
Турскиот провладин весник „Стар“, таа изјава ја гледа како „индиректна закана и предупредување за Кипар и Грција“.
Имено, Јилдирим, при претставувањето на новата подморница во Мармарис навел дека „додека Турција се бори против тероризмот и на домашно и на меѓународно ниво, некои сакаат да ја искористат ситуацијата, смислувајќи разни планови и замки во Егејското и Средоземното Море“.
Коментирајќи ја таквата ситуацијата, тој порачал дека, „без оглед за каква закана станува збор, Турција има начини и средства за да ја отстрани“.
Спонзорирано:
