Македонската академија на науките и уметностите објави оглас за вработување на секретар на Секретаријатот на МАНУ.
Нето платата е 44.702 денари.
Кандидатите треба да имаат завршено високо образование, ниво на квалификации VI А, 240 кредити според ЕКТС или завршен VII/1 степен или магистратура ниво на квалификации VII.
300 кредити според ЕКТС или завршен VII/2 степен, најмалку 5 години работно искуство од областа.
Како и покажани организаторски способности и активно владеење на еден светски јазик.
Неделното работно време е од понеделник до петок, 8 работни часа од 7 до 15 часот.
Покрај горенаведените посебни услови, заинтересираните кандидати треба да ги исполнуваат и општите услови за вработување:
да е државјанин на Република Македонија,
да е полнолетен,
да има општа здравствена способност и да не му е изречена казна со правосилна судска пресуда за забрана на вршење професија, дејност или должност.
Огласот е активен до 22 февруари.
