(МИА) – Европската комисија соопшти дека се одобрени средства за неколку нови истражувачки проекти во рамки на Европскиот фонд за одбрана.
Проектот „Океан 2020“ е поврзан со надзорот над морските површини и вклучува употреба на далечински управувани авиони и подморници. Проектот ќе го водат 42 организации од 15 земји на ЕУ и ќе бидат бесплатно финансирани со речиси 35 милиони евра.
Три други проекти, поврзани со подобрувањето на опремата на војниците, добија поддршка од еден до три милиони евра.
Еден од овие проекти е за развој на маскирна облека, која се менува според околината и обезбедува заштита од сензори кои функционираат на неколку бранови должини.
Вториот проект е наменет да ја подобри компатибилноста на единиците, се наведува во извештајот.
Третиот проект е за развој на многу лесни воени панцирни елеци.
Европскиот фонд за одбрана располага со 90 милиони евра за истражување и развој до крајот на следната година. ЕК ќе предложи, по 2020 година, Фондот да добива годишно финансирање од 1,5 милијарди евра.