Блиска средба меѓу руски и американски воен авион се случила вчера над Црното Море, објавија светските новински агенции, повикувајќи се на Стејт департментот. Според информациите, рускиот авион се приближил на растојание од само еден и пол метар од американскиот и прелетал пред него.
Русија беше повикана да прекине со опасните интеракции што ги загрозуваат екипажите и лесно може да доведат до несреќа.
Руската агенција РИА објави дека „су-27“ го пресеретнал американскиот шпионски авион, но исто така дека се вратил во базата кога леталото на американската морнарица го сменил курсот, односно кога тој се оддалечил од рускиот воздушен простор.
Спонзорирано: