Северна Кореја објави дека поседува моќно нуклеарно оружје со кое може да се спротивстави на кој било напад, истовремено обвинувајќи ги САД дека разместуваат воена опрема во нејзина близина под изговор дека стравува за безбедноста на Зимските олимписки игри што ќе се одржат во Пјонгчанг.
„Многу е опасно негативно да се влијае на многу позитивната светлина која владее во односите меѓу двете Кореи. А таквото однесување повторно би можело да донесе до екстремна фаза на судири“, изјавил Хан Тае Сонг, севернокорејски претставник во Обединетите нации.
Јужнокорејскиот претседател Мун Јае-ин претходно рече дека затоплувањето на односите меѓу двете Кореи пред одржувањето на ЗОИ е исклучителна шанса за САД и за Северна Кореја која треба да ја искористат за расправа за севернокорејските програми за вооружување.
