Претседателот на САД, Доналд Трамп, нема никакви ментални тешкотии и големи се шансите дека ќе остане здрав до крајот од мандатот, оцени докторот во Белата куќа, Рони Џексон.
Единствена забелешка е тоа што милијардерот, кој има 108,4 килограми, годинава треба да намали помеѓу 4 и 8 килограми на начин што ќе започне да се храни поздраво и да вежба.
„Нема никакви знаци на какви било интелектуални тешкотии“, рече Џексон и додаде дека лично Трамп побарал да му биде направен тест за когнитивните функции во рамките на систематскиот преглед минатата седмица.
„Здравјето на претседателот е одлично. На когнитивниот тест, кој содржи 30 прашања, Трамп одговори точно на сите. Претседателот ментално е многу остроумен“, рече докторот одговарајќи на новинарски прашања во Белата куќа.