Данскиот пронаоѓач и сопственик на подморница, Петер Мадсен, е обвинет за убиство на шведската новинарка Ким Вол за време на патување во својата подморница. Според информациите, Мадсен, најверојатно, ја задавил или ѝ го пресекол грлото, соопшти данското обвинителство.
Мадсен првично ѝ рекол на полицијата дека новинарката случајно настрадала внатре во подморницата, како и дека нејзините делови од телото подоцна ги фрлил во морето.
Мадсен и Вол тргнале на пат на 10 август бидејќи таа пишувала сторија за него, а последен пат била видена жива кога подморницата испловила од Копенхаген.
Полицијата смета дека Мадсен намерно ја потопил подморницата. Како што се наведува, судењето на Мадсен ќе почне на 8 март и најверојатно ќе биде завршено на 25 април, пренесуваат данските медиуми.
