Турција нема да екстрадира ниту едно осомничено лице во САД доколку Вашингтон не ѝ го предаде исламскиот проповедник Фетулах Ѓулен кого Анкара го обвинува за организација на неуспешниот пуч во јули 2016 година, изјави турскиот претседател, Реџеп Таип Ердоган.
„Ние досега на САД им предадовме 12 терористи, но тие не ни го предадоа она што го сакаме. Тие, едноставно, измислија неосновани оправдувања“, рече тој. Ердоган се закани дека доколку САД не го предадат Ѓулен, од сега па натаму Турција нема да му предаде на Вашингтон ниту еден терорист.
Спонзорирано:
