Иако посакуваме среќа, неретко и` го затвараме патот до нашите животи. Често тоа се несвесни акции кои со време стануваат основен облик на однесување. Тогаш среќата станува реткост во нашите животи.
Експертите советуваат да го преиспитаме своето однесување и да избегнуваме работи кои не не прават среќни, а озборувањето и негативниот став дефинитивно не се добредојдени.
Озборување
Вистината е дека со озборување не се занимаваат среќните луѓе. За разлика од нив, несреќните луѓе дневно разменуваат барем по неколку озборувања. Несреќните луѓе со озборувања ја пополнуваат празнината во себе и се обидуваат да ги надоместат своите недостатоци.
Негативни ставови
Сигурно познавате некој кој постојано е незадоволен и подготвен да се жали и за најмала ситница. Негативните мисли нема да привлечат среќа во нашите животи. Затоа, по пример на среќните и оптимистите извлечете што повеќе од животот и радувајте се и на најмали ситници.
Огорченост
Огорчените луѓе не си дозволуваат себе си повеќе од тоа чувство. Тоа ги води само во поголема негативност. Совет е да мислиме позитивно и храбро да чекориме кон иднината. Побарајте радост и задоволство прво во себе. Не барајте среќа и исполнување во другите. Додека вие самите не сте навистина среќни, никогаш нема да бидете исполнети.
