Првиот човек на Владата, Зоран Заев, изјави дека вицепремиерското место за реформи ќе го чува за „Алијансата за Албанците“.
Одговарајќи на новинарско прашање, Заев рече дека испразнетите места на заменик-министрите од партијата на Зијадин Села, кои веќе поднесоа оставки, ќе бидат поплнети по Нова година.
„Потпретседателот на Владата за реформи значи да го координира дури и Заев, да ги координира министерот за правда, министерот за внатрешни работи, за европски прашања, но и другите министерства“, рече Заев и појасни дека со успешност на реформите една мала партија би можела подобро да се позиционира.
Тој додаде дека на „Алијансата за Албанците“ ѝ биле доделени сериозни институции, како Фондот за пензиско и инвалидско осигурување, Имотно-правната служба, Агроберзата.
Заев посочи дела не преговарал со ДПА, но не ја отфрли можноста за преговори по Нова година.
