Министерот за внатрешни работи, Оливер Спасовски, уверува дека полицијата постапила законски при приведувањето на пратениците осомничени за насилствата од собранието на 27 април откако народниот правобранител ја прозва полицијата дека го прекршила правилникот за постапување и дека им била нарушена пресумцијата на невиност и им бил загрозен пратеничкиот имунитет.
– Полицијата при приведувањето постапуваше врз основа на наредба издадена од судот и врз основа на тоа ние сме постапиле во рамките на нашите законски овластувања – изјави министерот Спасовски.
Спасовски вели дека се повикува на законот, а не на правилникот, бидејќи законот е повисок акт од правилникот и не може правилник да дероргира некој закон или, пак, Уставот на РМ. За приведувањата од МВР била доставена целата документација до омбудсманот.
