Од понеделникот се зголемија малопродажните цени на бензините и на дизелот за половина денар, додека цената на екстра лесното масло за домаќинство се зголеми за еден денар, соопшти Регулаторната комисија за енергетика.
Според одлуката, новата цена на Еуросупер БС-95 ќе изнесува 66,50 денари, на Еуросупер БС-98 ќе изнесува 68 денари за литар, на Еуродизелот 55 денари и екстра лесното ќе се продава по 44 денари за литар.
Се зголемува и цената на мазутот, која ќе изнесува 28,6 денари за килограм.
Просечната цена на суровата нафта на светскиот пазар во изминатите 14 дена изнесуваше 64 долари за барел, а курсот на доларот изнесуваше 52,16 денари.
Инаку согласно новиот закон за покачување на акцизите од први јануари дизелот ќе биде поскап за 3,5 денари, поточно ќе изнесува 58,5 денари за литар, што е највисока цена во историјата.
