Десетици учесници во настаните од 27 април, уметници и пратеници неосновано се ставени во притвор, додека премиерот е целосно недопирлив за правосудните органи, обвинуваат од ВМРО-ДПМНЕ.
Притисокот не запира кај органите за прогон и пресудување, туку продолжува и во установите за притвор. Притворените се изложени на нехуман однос, престојуваат во ќелии со температури под нулата, полни со мувла и со неисправни прозорци во сред декември.
Презумпцијата на невиност овде е непознат поим. Правата на луѓето во истрага, неоткриена категорија.
Прогонот кој се врши е невиден за демократска Европа. Човековите права гарантирани со Европската конвенција за човекови права се кршат на секој чекор. СДСМ ги зароби институциите. На удар е секој граѓанин.
Овој прогон мора да запре. Македонија мора да стане демократска држава, со цврсто загарантиран принцип на владеење на правото, се додава во соопштението од ВМРО-ДПМНЕ.
