12.8 C
Скопје
1. октомври 2022
Centar.mk – Вести, бизнис, забава, спорт…
Македонија

РСБСП: Пијаните возачи закана за безбедноста во сообраќајот за време на празниците

Во пресрет на празничните денови, Републичкиот совет за безбедност на сообраќајот на патиштата со потсетување до возачите за предвидените законски санкции за пијаните возачи и за влијанието на алкохолот врз способноста за управување со моторно возило.

„Следејќи ги искуствата од минатите години и навиките на возачите во периодот на новогодишните и божиќните празници, забележуваме дека бројот на возачи кои управуваат моторно возило под дејство на алкохол се зголемува.

Возењето во алкохолизирана состојба е една од водечките причини за предизвикување сообраќајни незгоди со загинати и со повредени лица. Многу крв и солзи се пролеват на улиците и патиштата, многу човечки животи згаснуваат, а многумина се здобиваат со трајни телесни повреди, како последица на сообраќајни незгоди предизвикани од пијани возачи.

Фактот дека е период на празници, време на веселби, прослави, After Work забави итн. не ги ослободува возачите од обврската да управуваат моторно возило под дејство на алкохол. Напротив, ова е период во кој возачите треба да ја покажаат на дело својата свесност и совесност. Возењето под дејство на алкохол е криминален и нехуман чин, спротивен на цивилизациските вредности на современото општество.

Нова Година и Божиќ е еднаш во годината и сите сакаат да ги поминат овие денови во позитивна атмосфера и во друштво со најблиските, најсаканите и најдрагите, предупредуваат од РСБСП.