Мексиканската полиција пронашла шест тела обесени на надвозници во две општини во сојузната држава Јужна Долна Калифорнија.
Мексиканските власти вчера објавија дека пронашле шест тела како висат од надвозници во североисточниот дел од државата. Државниот обвинител изјави дека биле пронајдени тела на шест мажи и дека во моментот се очекуваат резултатите од аутопсијата. Покрај телата на двајца мажи биле пронајдени и пораки чија содржина не била објавена од страна на властите, а се верува дека убиените се поврзани со локалните банди.
409 лица загинаа во оваа област од јануари до октомври годинава, што е повеќе од двојно поголем број убиства во споредба со минатата година. Бројот на убиства е зголемен поради експанзијата на организираниот криминал.
Мексиканските наркобанди се борат за превласт на рутите преку кои дрогата стигнува до САД, како и околу областите каде што се продава дрога на туристи. Повеќе од 196.000 луѓе се убиени во Мексико од крајот на 2006 година кога владата ја објави контроверзната војна против дрогата.
Спонзорирано:
