11.8 C
Скопје
29. март 2024
Centar.mk – Вести, бизнис, забава, спорт…
СВЕТ

Возот кој излета во САД се движел со брзина двапати поголема од дозволената

Патничкиот воз кој вчера излета од пруга додека преминувал преку надвозник во сојузната држава Вашингтон, возел со брзина двапати поголема од дозволената, покажа истрагата. Во железничката несреќа животот го загубија три, а стотина лица беа повредени, објавија федералните истражители.
Податоците од „црната кутија“ пронајдена на местото на несреќата покажуваат дека возот возел со брзина од 129 километри на час во зона ограничена на 48 километри на час, рече Бела Дин-Зар од Националниот совет за безбедност во сообраќајот.
Таа рече дека е премногу рано да се каже зошто возот на „Амтрак“ ја надминал дозволената брзина.
Возот сообраќал на релација Сиетл – Портланд, а 13 вагони излетале од шините додека минувал преку надвозник над автопат. Неколку вагони завршиле од двете страни на пругата, од кои еден и врз возила што се движеле по автопатот. Сите загинати биле патници во возот.
Спонзорирано: