22.8 C
Скопје
5. јули 2022
Centar.mk – Вести, бизнис, забава, спорт…
Македонија ТОП ВЕСТИ

Заев од Брисел: Следната година ќе значи голем исчекор за сите држави од регионот

Премиерот Зоран Заев со совите колеги од земјите од Западен Балкан вечерва во Брисел присуствува на неформален состанок на покана на високата претставничка на Европската унија, Федерика Могерини.
Во врска со посетата на Брисел, на официјалниот фејсбук профил на премиерот е наведено дека на средбата било констатирано оти лидерите од регионот ја гледаат 2018 година како клучна за голем исчекор на сите држави од регионот во пристапувањето кон ЕУ, но и за интензивирање на регионалната соработка со максимална поддршка на инструментите на ЕУ.
„Најважна новост за државите од Западен Балкан во 2017 година беше најавувањето на Стратегијата за проширување на ЕУ на претседателот на Европската Комисија, Жан колод-Јункер. Токму Стратегијата и нејзините клучни одредници беа главна тема на дискусија“, наведено е на фејсбук профилот на македонскиот премиер.
Во рамки на објавата се нагласува и дека сите држави од Западен Балкан треба да гледаат на оваа Стратегија како на јасен сигнал кон нив за нивната европска перспектива и дека секоја од државите од Западен Балкан треба да напредува на патот кон ЕУ врз основа на напредокот кој го покажува во реформите во клучните области.