32.8 C
Скопје
25. јуни 2022
Centar.mk – Вести, бизнис, забава, спорт…
Бизнис

ССК: 10 домашните инвеститори со македонски квалитет до глобален успех

На свечена промоција во присуство на многубројни гости, традиционално и годинава, беа доделени десетте признанија за македонски квалитет за 2017 година на националните економските амбасадори. Признанијата ги доделија претседателот Ѓорге Иванов, претседателот на Сојузот на стопанските комори на Македонија (ССК), Данела Арсовска, како и претседателите на секторските комори во Сојузот.
Добитници на признанијата се: ФХ3Х, „Чеза комерц“, „Конто Профит“, „Процес ин, „Вработување.ком“, „Пост експрес Македонија“, „Агроунија“, „Антаријас“, ПЗУ Поликлиника „Тоспаш“ и Женскиот младински хор при МКЦ.
Комисијата составена од членови на Кабинетот на претседателот на Република Македонија во согласност со прецизно воспоставени критериуми внимателно ги селектира македонските претставници што имаат традиција во создавање македонски бизнис-идентитет.
„Македонските инвеститори се економски амбасадори што успешно го промовираат македонскиот квалитет. Изминатата година имаше многубројни предизвици за приватниот сектор. Сакаме да веруваме дека пред нас е година на интернационализација на македонскиот квалитет во светот, на можност за инвестиции во човечки ресурси, модерни технологии и напредни процеси неопходни за општествен и економски развој. Растотот на домашните инвеститори во поволен амбиент, значи раст на вкупната економија “, изјави Арсовска и додаде дека Сојузот ги следи и се гордее на успесите и достигнувањата на компаниите членови и токму затоа признанијата за македонски квалитет се стимул за иднина.
По свеченото доделување на признанијата на коктел-церемонијата присуствуваа стопанственици, претставници на институции, дипломатскиот кор, новинари. Оваа престижна манифестација, која е под покровителство на претседателот, се одржува секоја година во знакот на оддавање признание и промовирање на деловните успеси на македонските инвеститори за тековната година, при што се доделуваат 10 признанија за македонски квалитет 2017.