Во Скопскиот Регион утринава има магла која се очекува да се намалува веќе во претпладневните часови. Ќе дува умерен јужен ветер, кој кон крајот на денот ќе се засилува. Температурата ќе достигне до девет степени.
Во источните делови од државата е умерено облачно, а на повисоките места дува југоисточен ветер. Претпладне се очекува од запад да се прошири облачноста и да дува слаб до умерен, а попладне и во ноќните часови засилен јужен ветер, особено на север од државата. Во крајните западни делови ќе има повремен слаб дожд. Температурата ќе се движи во интервал од 9 до 15 степени.
Од утре попладне под влијание на нов влажен бран ќе има врнежи од дожд кои ќе бидат пообилни во западните и во источните делови. Во ноќните часови на планините ќе врне снег, а в недела ќе има врнежи од слаб снег и на некои повисоки места, особено на запад и на север.
Под влијание на северно воздушно струење, од недела се очекува температурите значително да опаднат така што веќе од почетокот на следната работна недела утринските температури ќе бидат под нулата.
Спонзорирано:
