32.8 C
Скопје
25. јуни 2022
Centar.mk – Вести, бизнис, забава, спорт…
Македонија

Груби ја заврши расправата за Законот за јазиците без ниту еден прифатен амандман

Синоќа, пред полноќ, Комисијата за европски прашања и Законодавно-правната комисија го заклучија второто продолжение, трет ден амандманска расправа по однос на предлог-законот за употреба на јазиците.
Комисијата за европски прашања три работни дена водеше претрес по првиот амандман, а во дискусијата по амандманот учествуваа пратениците: Артан Груби, Весел Мемеди, Реџаил Исмаили, Ејуп Аљими, Џеват Адеми и Реџеп Мемеди.
Во рамките на условите предвидени во член 171-в став 1 од Деловникот на Собранието на Република Македонија, Комисијата не успеа да се произнесе по првиот амандман.
Од истата причина во согласност со Деловникот, Комисијата за европски прашања не водеше претрес и по другите поднесени амандмани бидејќи беше истечен рокот од најмногу три работни дена за водење на претресот по амандманите.
Со тоа, Комисијата за европски прашања ја затвори 6. седница без ниту еден прифатен амандман од сите 90 колку што беа поднесени и предлог-законот за употреба на јазиците го проследи на натамошна постапка во Собранието на Република Македонија.
За известител на седницата на Собранието беше избран претседателот на Комисијата, Артан Груби.