17.8 C
Скопје
2. јули 2022
Centar.mk – Вести, бизнис, забава, спорт…
Свет

Лекари без граници: Најмалку 6.700 Рохинги се убиени во Мјанмар

Меѓународната хуманитарна организација Лекари без граници објави извештај во кој се наведува дека најмалку 6.700 Рохинги муслимани загинале меѓу август и септември, по избувнувањето на насилствата во Мјанмар. Организацијата нагласува дека извештајот е направен врз основа на податоци собрание во бегалските кампови во Бангладеш. Околу 630.000 пребегале во Бангладеш за да го избегнат тоа што Обединетите нации го нарекоа етничко чистење.
Се проценува дека најмалку 9.000 Рохинги загинале во мјанмарската држава Рохине во периодот меѓу 25 август и 24 септември. Бројот на загинати објавен од организацијата е поголем од оној кој го објави мјанмарската влада, а кој изнесуваше 400. Организацијата исткна дека меѓу загинатите се и 730 деца, помлади од пет години, како и дека нивниот извештај претставува најјасна ознака за проширено насилство на властите на Мјанмар, пренесува БиБиСи.
Во извештајот се наведува дека меѓу децата помлади од пет години, повеќе од 59 отсто се убиени од огнено оружје, 15 проценти се запалени во нивните домови, седум отсто претепани до смрт, а 2 отсто се жртви на експлозија од нагазни мини.
Министерството за информации на Мјанмар соопшти дека меѓу 400-те жртви, повеќето се екстремни терористи кои се убиени за време на воената операција на чистење.