16.8 C
Скопје
22. април 2024
Centar.mk – Вести, бизнис, забава, спорт…
foto
БИЗНИС

Возовите нема да сообраќаат додека не се доисплати платата за октомври

Штрајкот на вработените од Македонски железници ќе продолжи сѐ додека не им биде исплатен вториот дел од платата од октомври.

Машиновозачот Душко Чакаровски на прес-конференција соопшти дека железничкиот товарен и патнички сообраќај е во целосен прекин, а утринава сообраќал само патничкиот воз за Гевгелија, што бил управуван од вработен кој не се придржувaл кон договорот.

„Ќе протестираме додека не се исплати вториот дел од платата, а доколку тоа се случи денеска уште веднаш ќе се вклучиме во сообраќај“, истакна Чакаровски.

Додаде дека доколку до 25 декември не им биде исплатена и ноемвриската плата, повторно ќе штрајкуваат.

Вработените го повикуваат министерот за транспорт и врски, Горан Сугарески, да пронајде решение да се исплаќа платата во целост, како што впрочем и им било ветено уште во август.

Спонзорирано: