Претседателот на СДСМ, Венко Филипче, денеска презентираше загрижувачки енергетски податоци, дека производството на електрична енергија од домашните капацитети е на историски најниско ниво досега.
„ За само година и пол, ВМРО-ДПМНЕ го спушти производството на историски најниско ниво. Во енергетскиот биланс за 2025 година, ЕСМ предвидело производство од 5.100 GWh. Наместо тоа, во периодот јануари–октомври оваа година е само 2.450 GWh, што е помалку од 50% од она што самата влада го испланирала.“ реле Филипче.
Тој направи споредба со периодот јули 2023 до јуни 2024 година како работела владата на СДСМ
„Новото раководство во овој период 2025 споредбено со 2024година произвело точно 448,330 мегават часови помалку, отколку претходната година. Тоа е количество на енергија којашто одговара на половина од капацитетот на сите хидроелектрични централи во земјава. Што значи дека изминатата година во периодот којшто го наведов ЕСМ работело како пола од хидроелектричниот потенцијал на земјата да го немаме, да не работи, да не функционирал. Меѓутоа струја е потребна и што се случило? Купена е струја за многу повисоки цени отколку што би било ЕСМ да ја произведува.Потрошени се 62 милиони евра за да оваа струја се надокнади, тука за потребите на граѓаните. Ете колку народни пари се одлеани поради немање капацитетност да добро се менаџира енергетскиот систем, рече Филипче.
Тој предупреди дека поради овие причини следува поскапување на струјата.
„Еве сега гледаме како со својата некапацитетност и неработење во еден одреден сектор дозволило да порасне цената на струјата. А имале механизми ако работеле домашните капацитети, а не работеле за да ги заштити граѓаните.“ рече претседателот на СДСМ, Венко Филипче.
ПОПУЛАРНО НА ИНТЕРНЕТ...
