Покрај двете работилници што се одржаа во Струмица и Тетово, денес од Велес и Лозово започна бранот на инфо-денови во склоп на едукативната кампања за ИПАРД-програмата 2014–2020. Утре ќе бидат организирани и инфо-денови во големата сала на општина Штип и Домот на културата „Ацо Караманов“ во Радовиш. По ова, едукативната кампања на ИПАРД-програмата 2014-2020 продолжува со инфо-денови, работилници и форуми низ целата територија на Република Македонија, соопшти Министерството за земјоделство.
Во моментов сомМерките 1 и 3, на располагање се 25 милиони евра. Претставниците од одделението за програмирање и проценка при Телото за управување со ИПАРД од Министерството за земјоделство, шумарство и водостопанство ја презентираа мерка 1: Инвестиции во основни средства на земјоделските стопанства од ИПАРД-можностите за македонското земјоделство и руралниот развој. Додека, претставниците од Секторот за одобрување проекти при Агенцијата за финансиска поддршка на земјоделието и руралниот развој ги потенцираа деталите од постапката за користење на средства од ИПАРД-програмата 2014-2020.
За повеќе детали околу ИПАРД-програмата и потребните документи и информирации може да се посетат веб-страниците на ИПАРД Македонија, Министерство за земјоделство, шумарство и водостопанство, Агенцијата за поттикнување на развојот на земјоделството и Агенцијата за финансиска поддршка во земјоделството и руралниот развој и тоа http://www.ipardpa.gov.mk/ , http://ipard.gov.mk/ , http://mzsv.gov.mk/ , http://agencija.gov.mk/ или да се јават во сектор ИПАРД при МЗШВ на 02/3134-477 локал 113, 114 и 115 во АФПЗРР 02/3097-460 и АПРЗ 047/228-330 и 047/228-370.
