Скопјанец кој бил осуден на затворска казна е уапсен при превоз на мигранти од Пакистан.
Според информациите од МВР, вчера во 0 часот на автопатот кај Смоквица полициски службеници се обиделе да запрат патничко возило „фолксваген“ со швајцарски национални ознаки. Возилото не застанало туку продолжило со движење по автопатот од Гевгелија кон Скопје.
По клучката за село Миравци возилото било пронајдено, а возачот побегнал. Во возилото биле пронајдени 13 мигранти, сите од Пакистан. При пребарување на теренот бил пронајден и возачот и било утврдено дека се работи за лицето Ф.И. (36) од Скопје.
Бидејќи го барале за издржување на казна затвор, тој ќе биде спроведен во затворот „Идризово“.
Спонзорирано:
