Град Скопје ќе ги обновува детските едукативни инсталации во Градскиот парк

Град Скопје од денеска ја почна санацијата на детските едукативни инсталации што се поставени во Градскиот парк и во паркот „Македонија“ во Скопје.

„Во текот на наредните денови, доколку тоа го овозможуваат временските услови, ќе се изврши шмирглање и лакирање на оштетените дрвени делови, ќе се бојадисаат металните делови на инсталациите и ќе се дополнат нивните подлоги со бела ризла.

Станува збор за просторните инсталации: „Авантурите на пчеличката Маја“, поставена на дел на зелената површина на потегот помеѓу булеварот Митрополит Теодосиј Гологанов и улицата Јуриј Гагарин; „Авантурите на мравката и штурецот“, поставена во дел на зелената површина на потегот помеѓу булеварот Митрополит Теодосиј Гологанов и улицата Јуриј Гагарин; „Волшебникот од Оз“, поставена во Градскиот парк и „Октоподот Хенк“, поставена на зелената површина на потегот помеѓу булеварот Митрополит Теодосиј Гологанов и улицата Јуриј Гагарин, соопшти Град Скопје.

Град Скопје упатува апел до граѓаните во периодот додека трае санацијата на детските инсталации да не ги користат.

Во тренд…