(Видео) Новиот министер за култура ќе ги продолжи реформите – се залага за култура за сите

Реформите во културата, како донесувањето на новиот закон за култура, новиот колективен договор за вработените во културата, како и другите проекти започнати од Роберт Алаѓозовски, кој до денеска раководеше со овој ресор, ќе бидат продолжени од новиот министер за култура Асаф Адеми. Тие се согласиле за приоритетите во културата и заложбите на Македонија на патот кон евроинтеграциите.
На примопредавањето на должноста министерот Адеми најпрвин се обрати на албански јазик, а потоа на македонски. Нагласи дека ќе биде министер за сите граѓани на Македонија независно од нивната етничка припадност и ќе го негува унитарниот карактер на културната политика.
https://www.youtube.com/watch?v=u0I6odRoQTk
„Со Алаѓозовски се согласивме дека треба да продолжат започнатите реформи во културата. Ќе се заложам за транспарентна соработка со сите од култирната дејност и ќе ја негувам политиката за култра за сите граѓани еднакво. Ние сме на одличен пат кон евроинтеграциите и културата има многу важна улога на тој пат“, рече Адеми.
Според Алаѓозовски, промената е направена со политики на континуитет и на некој начин ова е штафетно предавање на функцијата, а започнатите проекти што треба да ја вратат во форма девастираната култура ќе продолжат.
https://www.youtube.com/watch?v=qhnHQTfElhg
„Како што веќе знаете, станува збор за коалициски политички договор и смената во ресорот ќе биде само продолжување на започнатите стратегии во културата. Во разговорот со новиот министер, се согласивме дека треба да продолѓи континуитетот за соработка со културата од граќанскиот сектор и заложбите за култура за сите“, рече Алаѓозовски.
Соработката меѓу стариот и новиот министер ќе продолжи со оглед на новата владина функција на Алаѓозовски што е тесно врзана со културата. Со владин предлог, по објавата во „Службен весник“, Алаѓозовски ќе биде именуван за национален координатор за развој на културата и меѓуресорска соработка.
Министерот Адеми по професија е градежен инженер и доаѓа од редовите на владиниот коалициски партнер Беса.
А. Василевска

(Makfax)

Во тренд…