Правосудството во Република Македонија го живее својот најсрамен период и работи по двојни аршини, смета опозiцијата.
Преку соопштение, ВМРО-ДПМНЕ тврди дека државата е киднапирана, а судството е под заробеништво на премиерот Зоран Заев.
„Судството работи по двојни аршини, луѓе како Заев, кои флагрантно се фатени во криминал, се ослободуваат, а луѓе кои чесно работеле ниту за себе обезбедиле противправна имотна корист се осудуваат со драконски казни“, смета ВМРО-ДПМНЕ.
Најголемата опозициска партија додава дека земјата со вакво судство не може да се придвижи кон ЕУ и НАТО.
„Десетици членови на ВМРО-ДПМНЕ се предмет на шиканирање и на монтиран прогон, само затоа што се политички неистомисленици на Зоран Заев, тие се притвораат и затвораат. Постапките против нив се надвор од секое правично и правно правило“, обвинува ВМРО-ДПМНЕ.
Партијата додава и дека Македонија економски тоне и се соочува со стагнација, како во времето на транзицијата.
