Вистинска драма се одвивала вчера попладне околу 18 часот во село Осинчани каде полицијата затекнала возило „Форд“-караван со кумановски регистарски ознаки, кое било натоварено со необележано огревно дрво, а го управувало непознато лице кое побегнало.
Откако лицето избегало, набрзо дошле три непознати лица во патничко возило „БМВ“ без регистарски ознаки и се обиделе да го земат возилото „Форд“.
-Едно од лицата со бензин го испрскал службеното возило „Шкода Октавија“, по што и самиот се полеал со бензин. Во тој момент еден од полициските службеници го извадил службениот пиштол и им наредил на лицата да отстапат, по што сите тројца побегнале во различни правци- велат од МВР.
Спонзорирано: