Компанијата „Кожувчанка ДОО“, која во Република Македонија важи за една од компаниите што секогаш ги следат светските трендови, се надградува и подобрува во поглед на квалитет и новитети.
Имено, како што информираат од компанијата, брендот „Изворска“ покрај пакувањата од 1,5; 1; 0,5; 6 и 10 литри во ПЕТ-амбалажа и 0,33 литри во стакло, на пазарот сега е присутна и со новата амбалажа од 0,75 литри – „Изворска спорт“.
Новитетот „Изворска спорт“ од 0,75 литри има капаче во форма на цуцла, за комплетно спортско уживање и за сите генерации, стои во соопштението на компанијата.
Инаку, брендот „Изворска“ во екоамбалажа е со чист, едноставен дизајн, а решението за ребреста амбалажа ја прави лесно рециклирачка за секој корисник. Водата е полнета од најчистиот предел, локалитетот Васов Град на Кожуф Планина, потенцираат од компанијата „Кожувчанка“.