Линдзи Вон победи на денешната спуст-трка што се одржа во Оре, Шведска, но на крајот не успеа да го освои малиот кристален глобус во оваа дисциплина.
За да победи во вкупниот пласман, на Американката ѝ беше потребна победа во Оре, но и Италијанката Софија Гоџа да не биде подобро пласирана од третото место.
Вон со победата го исполни првиот услов, но Гоџа заврши на втората позиција. Американката заблежа време 55:65 секунди, а Италијанската беше за шест стотинки побавна. Третото место ѝ припадна на уште една Американка, Алис Мекинис (55:93).
На крајот Гоџа го освои малиот кристален глобус со 509 бода, само три повеќе од Вон. Трета во вкупниот поредок заврши Тина Вајрајтер од Лихтенштајн со 394 бода.
Во вкупниот поредок во Светскиот куп победата ја однесе Микаела Шифрин.
Спонзорирано:
