(МИА) – Индиската организација за вселенски истражувања планира во април да лансира автоматска меѓупланетарна станица кон Месечината, наречена „Чандрајан-2“, изјави индискиот државен министер за вселенски истражувања, Џитендра Синг.
– Индија има намера да ја лансира „Чандрајан-2“ во април. Оваа мисија следи по „Чандрајан-1“, благодарение на која откривме вода на Месечината. Мисијата „Чандрајан-2″ значи развој на севкупниот проект, што е значаен исто колку и човечкото стапнување на Месечината, смета Синг.
Имено, „Чандрајан-2“, освен слетување на единствениот земјин природен сателит, предвидува и „прошетка“ по неговата површина, во научни цели.
Проектот „Чандрајан-2“ чини осум милијарди рупии (околу 125 милиони долари).
Спонзорирано:
