Друштвото на писателите ќе ги врачи наградите за најдобри книжевни дела во 2017 година

0 Shares

Во Друштвото на писателите на Македонија, утре (13 февруари) од 12 часот, ќе се одржи свечениот собир во знак на одбележување на 71-годишнина од формирањето на ДПМ. Реч по повод годишнината на македонската писателска асоцијација ќе има претседателот на ДПМ, Веле Смилевски, а програмата ќе ја води Александра Велинова.

На свеченоста во домот на македонските писатели ќе бидат врачени наградите за најдобри книжевни дела во 2017 година. Добитници на признанијата се: Јагода Михајловска-Георгиева на наградата „Стале Попов“ за најдобра прозна книга, Ристо Василевски на наградата „Ацо Шопов“ за најдобра стихозбирка, Ангелина Бановиќ-Марковска на наградата „Димитар Митрев“ за најдобра книга критики, Васил Мукаетов на наградата „Ванчо Николески“ за најдобра книга за деца, и Љерка Тот-Наумова на наградата „Книжевен мост“ за книга напишана на еден од јазиците на националностите.

Образложенијата за одлуките ќе ги презентираат претседателите на жири-комисиите: Милован Стефановски, Наташа Аврамовска, Весна Мојсова Чепишевска, Стојан Тарапуза и Кочо Топузоски.

Во тренд…


0 Shares