На осумгодишник од Кина му смрзнала косата откако до училиште пешачел 4,5 километри на многу ниска температура. Ванг Фуман живее со сестрата и бабата во населбата Лудиан каунти, додека неговите родители работат во град.
Ванг едно утро во училиште се појавил со заледена коса, црвени образи и испукани раце, откако пешачел до школо на минус девет степени.
Иако ова за него не е ништо необично, тоа утро го измамило сонцето па во школо тргнал во тенок џемпер и јакна, без капа и нараквици.
Неговите врсници му се смееле кога го виделе, а тој останал храбар и рекол дека му било студено, но не и тешко.
Ванг своето време вон школските клупи го поминува помагајќи и на бабата на семејниот имот. Вели дека за Нова година посакал добро да учи и да заработи пари за да и купи лекови на болната баба.