Синиша Дабиќ, работник во белградскиот аеродром „Никола Тесла“, пронашол изгубени 40.000 евра и ги вратил на сопственикот.
Како што рекол, црната торба ја нашол на паркингот, ја отворил и внатре имало лаптоп компјутер и полн паричник.
Чесниот пронаоѓач за своето дело не сакал никаква награда.
– Го запознав човекот, дојде по половина час и беше среќен. Со години работел во Норвешка, дошол со парите и ги загубил, рекол Дабиќ.
Кога ги изброил парите и се уверил дека се е на место, на пронаоѓачот му дал 50 евра.
-Јас не сакав да ги земам, тој инсистираше, па тогаш ги зедов и ги почестив колегите, изјавил Дабиќ.
Неговите колеги пак, велат дека тој е примерен работник.
Спонзорирано:
